Часопіс «Пачатковая школа» адзначае трыццацігоддзе
Калектыву рэдакцыі часопіса
«Пачатковая школа»
Шаноўныя калегі!
Прыміце сардэчныя віншаванні з трыццацігоддзем часопіса!
Трыццаць год вашай прысутнасці ў інфармацыйнай прасторы — гэта час абмену думкамі і вопытам лепшых педагогаў пачатковай школы Беларусі, час шчырага імкнення да лепшага ў адукацыйным працэсе.
Вы здолелі зрабіць якасны і запатрабаваны інфармацыйны прадукт, які мае высокі аўтарытэт сярод прафесіяналаў, з’яўляецца памочнікам, дарадцам і суразмоўцам усіх, хто неабыякавы да пытанняў айчыннай пачатковай школы.
Жадаю вам моцнага здароўя, здзяйснення планаў, новых поспехаў у справе служэння беларускай адукацыі.
Уладзімір Пярцоў