Падведзены вынікі рэспубліканскага конкурсу юных чытальнікаў “Жывая класіка”
26 жніўня 2020 года ў Мінску адбыўся заключны этап рэспубліканскага конкурсу юных чытальнікаў “Жывая класіка”, у якім сёлета ўдзельнічала каля 15 тысяч беларускіх школьнікаў. Да фінальнага тура дайшлі 15 чытальнікаў.
Журы, у складзе якога працавалі прадстаўнікі Міністэрства інфармацыі і Міністэрства адукацыі Рэспублікі Беларусь, Нацыянальнай бібліятэкі Беларусі, тэлеканала “Сталічнае тэлебачанне”, знакамітыя беларускія пісьменнікі і дзеячы культуры, ацэньвала выступленні па некалькіх параметрах. У прыватнасці, улічваліся глыбіня пранікнення ў вобраз і сэнс твора, выбар тэксту твора, артыстызм выканання і інш.
Са сцэны ў выкананні юных чытальнікаў прагучалі творы класікаў беларускай літаратуры Якуба Коласа, Аркадзя Куляшова, Пятруся Броўкі, Пімена Панчанкі, Васіля Быкава, Уладзіміра Караткевіча, Сяргея Грахоўскага і інш. Большасць удзельнікаў фінальнага этапа конкурсу аддалі перавагу творам, прысвечаным малой радзіме і патрыятычнай тэматыцы.
Пераможцы конкурсу:
Узроставая катэгорыя 1-4 класы:
1 месца – Буткевіч Артур, навучэнец Цэнтра дадатковой адукацыі дзяцей і моладзі "Ранак" г.Мінска;
2 месца – Пунько Ефрасіння, навучэнка Віцебскага абласнога палаца дяцей і моладзі;
3 месца – Шаплыка Анастасія, вучаніца Сароцкая сярэдняй школы Любанскага раёна Мінскай вобласці;
3 месца – Петрусёў Арсеній, вучань Кадзінскай сярэдняй школы Магілёўскага раёна.
Узроставая катэгорыя 5-6 класы:
1 месца – Навумчык Анастасія, вучаніца сярэдняй школы № 1 г.Докшыцы Віцебскай вобласці;
2 месца – Рэба Мацвей, вучань сярэдняй школы № 14 г.Ліды Гродзенскай вобласці;
2 месца – Пастухоў Мікіта, вучань гімназіі № 31 г.Мінска;
3 месца – Кавалёва Паліна, вучаніца сярэдняй школы № 34 г.Магілёва.
Узроставая катэгорыя 7-8 класы:
1 месца – Ільюшэнка Дзмітрый, вучань Сенненскай школы-інтэрната для дзяцей-сірот і дзяцей, якія засталіся без апекі бацькоў, Віцебскай вобласці;
2 месца – Пазняк Валерыя, вучаніца гімназіі № 2 г.Бабруйска Магілёўскай вобласці;
3 месца – Губанаў Максім, вучань сярэдняй школы № 2 г.Стоўбцы Мінскай вобласці.
Узроставая катэгорыя 9-10 класы:
1 месца – Ананіч Дар’я, навучэнка Цэнтра дадатковай адукацыі дзяцей і моладзі г.Кіраўска Магілёўскай вобласці;
1 месца – Васільеў Максім, навучэнец Палаца дзіцячай творчасці г.Баранавічы Брэсцкай вобласці;
2 месца – Іванюценка Аляксандра, навучэнка Вялікабродскага дзіцячага садка–сярэдняй школы Хойніцкага раёна Гомельскай вобласці;
3 месца – Емяльянаў Данііл, вучань Рассветаўскай сярэдняй школы Клецкага раёна Мінскай вобласці.
Тэлеверсію фіналу рэспубліканскага конкурсу юных чытальнікаў “Жывая класіка” пакажа тэлеканал “Сталічнае тэлебачанне” падчас святкавання Дня беларускага пісьменства 6 верасня 2020 года а 11-й гадзіне.